Məxfilik siyasəti

Şəxsi məlumatların qorunmasına dair bəyanat

Təşkilatımız, veb-səhifə və mobil tətbiq barədə informasiya

“Superfon” MMC şirkəti sizin məxfiliyinizi qorumaq barədə öhdəlik götürür. Şəxsi məlumatların qorunmasına dair bu bəyanatı təqdim etməkdə məqsədimiz sizi Şəxsi məlumatların qorunmasına dair siyasət və metodlarımız barədə, həmçinin sizə aid informasiyanın onlayn rejimdə necə toplanması və həmin informasiyanın necə istifadə edilməsinə münasibətdə edə biləcəyiniz seçimlər barədə məlumatlandırmaqdır. Bu məxfilik siyasəti həm Superfon.az veb-saytına, həm də Google Play mağazasında təqdim edilən "Yurd Accessories" mobil tətbiqinə şamil edilir. Bu platformalar Azərbaycan qanunlarına uyğun olaraq tənzimlənir. Azərbaycan məhkəmələri bu veb-səhifənin və "Yurd Accessories" mobil tətbiqinin tərəfinizdən istifadə edilməsindən irəli gələn bütün mübahisələrə münasibətdə qeyri-müstəsna yurisdiksiyaya malikdir. Superfon.az veb-səhifəsi və "Yurd Accessories" mobil tətbiqi Bakı şəhəri, Yasamal rayonu, Həsənbəy Zərdabi prospekti, ev 92A, giriş 6, mənzil 676 ünvanında yerləşən “Superfon” MMC-yə məxsusdur.

Avtomatik toplanan məlumat

Biz, ziyarətçinin və ya istifadəçinin domenini, IP ünvanını və mobil cihazın bəzi texniki göstəricilərini avtomatik olaraq qeydə alırıq; həmin informasiya bir fərd kimi sizi deyil, yalnız sayta baxmaq və ya tətbiqdən istifadə etmək üçün istifadə edilməkdə olan kompüteri/mobil cihazı göstərir. Sizə təklif etdiyimiz xidmətimizi təkmilləşdirmək məqsədilə, həmin məlumatlar əhatə dairəsini yaxşılaşdırmaq, platformalarımızın dünyanın hansı hissəsində istifadə edildiyini öyrənmək, daxil olma hallarını təhlil etmək və istifadəni daha yaxşı başa düşmək üçün istifadə edilir. Biz sözügedən vasitələrlə avtomatik qeydə alınan informasiyanı konkret fərdlər barədə şəxsi məlumat ilə əlaqələndirmirik.

Şəxsi məlumatların toplanması, istifadəsi və işlənməsi

Siz könüllü olaraq məlumatları daxil etməyə və ya buna razılıq verməyə qərar verdiyiniz təqdirdə biz konkret bir şəxsə aid məlumatları yalnız emal və istifadə məqsədləri üçün toplayırıq. Bununla siz aşağıdakı istifadə şərtlərini qəbul etmiş olursunuz.

Siz saytımıza daxil olduğunuz və ya "Yurd Accessories" tətbiqindən istifadə etdiyiniz zaman müəyyən məlumatlar sistem administrasiyası və ya arxivləşdirmə məqsədləri üçün avtomatik olaraq serverimizdə saxlanılır. Bu məlumatlara sizin internet provayderinizin adı, bəzi hallarda IP ünvanınız, istifadə etdiyiniz əməliyyat sistemi, platformamıza daxil olmaq üçün istifadə etdiyiniz cihaz məlumatları və axtarış şərtləri daxildir. Lakin bu kontekstdə hər hansı bir şəxsi məlumatdan istifadə edilmir. Bu məlumatlar yalnız anonim hala salındıqdan sonra istifadə edilə bilər.

Əgər siz könüllü olaraq öz şəxsi məlumatlarınızı bizə verirsinizsə, biz həmin məlumatlardan qanunla və sizin icazə haqqında bəyannamənizlə icazə verilən həddən çox istifadə edilməsinə, işlənməsinə və ya ötürülməsinə yol vermirik. Bundan əlavə biz sizin məlumatlarınızın ötürülməsinə yalnız rəsmi və ya məhkəmə qaydasında məcbur olduğumuz zaman yol veririk.

Bu Məxfilik Bəyannaməsinə edilən hər hansı bir dəyişiklik bu səhifədə dərc olunacaq. Bununla da siz istənilən vaxt səhifəyə daxil olaraq hansı məlumatları yaddaşda saxladığımızı və bu məlumatları necə topladığımızı və istifadə etdiyimizi öyrənə bilərsiniz.

Məlumatların toplanılması və istifadəsi

Hər hansı informasiya, mal və xidmət əldə etmək üçün müraciət etdikdə biz sizin barədə bəzi şəxsi məlumatlara ehtiyac duya bilərik. Müraciət etdiyiniz informasiya, mallar, məhsullar və xidmətləri istədiyiniz formada sizə təqdim etmək üçün, sizə aid şəxsi məlumatlar təhlil ediləcək. Məxfi xarakter daşıyan şəxsi məlumatları tələb etdiyimiz hallarda biz, həmin məlumatların Azərbaycan Respublikasının məlumatların qorunması və məxfiliyinin təmin edilməsi haqqında qanunlarına ciddi şəkildə riayət olunmaqla toplanılması və istifadəsini təmin edəcəyik. Sizin icazəniz olmadan biz sizə aid təfərrüatları “Superfon” MMC Qrupundan kənar heç bir şəxsə ötürməyəcəyik. Xidmətlər müqabilində öz informasiyanızı təklif etdiyiniz hallarda "Qəbul edirəm" (və ya bənzər) düyməsini basmaqla siz informasiyanın bu cür ötürülməsinə razılığınızı bildirirsiniz. Sizə aid şəxsi məlumatları ilkin olaraq nəzərdə tutulmuş məqsəddən fərqli olan yeni bir məqsəd üçün istifadə etmək istədiyimiz halda sizin razılığınızı almaq üçün sizə müraciət edəcəyik.

Məlumatların saxlanılması

Xidmətlərin təkmilləşdirilməsi məqsədilə məlumatlar uzun müddət saxlanılır, sonra isə şəxsiyyətsizləşdirilir və eyniləşdirilməsi mümkün olmur. Kart məlumatları 3-cü şəxslərə təqdim olunmur. Yuxarıda təsviri verilən məlumatlardan başqa sizin barədə heç bir əlavə informasiya toplamırıq.

Sizə aid şəxsi məlumatlardan istifadə

Sizə aid şəxsi məlumatların istifadəsinə dair sorğu göndərmək istədiyiniz halda və ya məlumatların məxfiliyinin qorunmasına dair “Superfon” MMC şirkətinin siyasətinə aid suallarınız olduqda [email protected] ünvanına elektron məktub və ya aşağıdakı ünvana poçt vasitəsilə məktub göndərməyiniz xahiş olunur: Bakı şəhəri, Yasamal rayonu, Həsənbəy Zərdabi prospekti, ev 92A, giriş 6, mənzil 676. Biz sizə aid saxladığımız şəxsi məlumatlarınızın oxunaqlı surətini sizə 40 gün ərzində təqdim edəcəyik; bunun üçün sizdən şəxsiyyətinizi təsdiq edən sənəd tələb edəcəyik. Sizə saxladığımız məlumatları geri götürmək imkanı veririk və münasib hallarda siz həmin məlumatları sildirə, tamamlaya və ya həmin məlumatlara düzəliş və əlavələr etdirə bilərsiniz.

Uşaqlar

“Superfon” MMC şirkəti yaşı 16-dan az olan uşaqlardan informasiyanı bilərəkdən toplamır. Bundan başqa, şirkət öz veb-saytlarını və tətbiqlərini yaşı 16-dan az olan uşaqlar üçün nəzərdə tutmur.

Mühafizə

Biz nəzarətimiz altında olan şəxsi məlumatları qorumaq üçün təhlükəsizlik prinsipləri, qaydaları və texniki tədbirlər tətbiq etmişik və bunlar məlumatların məxfiliyi və qorunmasına dair qanunvericiliyə tam şəkildə uyğundur. Təhlükəsizlik tədbirləri məlumatların icazəsiz əldə edilməsi, qeyri-münasib şəkildə istifadəsi və ya açıqlanması, icazəsiz dəyişdirilməsi və qeyri-qanuni surətdə məhv edilməsi və ya təsadüfən məhv olmasının qarşısını almaq üçün nəzərdə tutulmuşdur.

Şəxsi məlumatların qorunmasına dair tələblərə uyğunluq

Şəxsi məlumatların qorunmasına dair siyasətimiz Azərbaycan Respublikasının qanunvericiliyinə uyğundur.

Hiperlinklər

Sizin rahatlığınız üçün şirkətin platformalarında üçüncü tərəf veb-saytlarına linklər nəzərdə tutula bilər. Şirkət həmin saytları və ya onların şəxsi məlumatların qorunmasına dair metodlarına nəzarət etmir. Sizə tövsiyə edirik ki, şəxsi informasiyanızı üçüncü tərəflərə təqdim etməzdən əvvəl həmin şirkətlərin məxfilik siyasəti ilə tanış olasınız.